辛苦既一週

我已經做左人地媽咪la~

21-11-09  我仲以為會喺呢日生tim，因為我突然又屙又嘔又肚痛，我諗住痛一陣，未又佢，點知？不停咁痛，我媽驚我係陣痛就生，所以果既就搵左文健個大佬車左我地去廣華，真係又攪到人地。做好入院手續，醫生話check到應該係腸胃炎，但又見到子宮又d收縮，又可能會臨時開刀，所以要留院。都就生都要攪d野比我嘆下~

22-11-09 冇我出院，仲要比人吉到成手針口，因為我要釣鹽水，又要抽血，仲要冇啖好食，一餐粥水，真係水嚟，連米都見唔到，又冇味，我見到果碗野真係想死，之後果餐先有米睇下，因為醫生驚我又再屙嘔，所以要食粥水先，睇下有冇事先，才可以慢慢轉返正餐。

23-11-09 第二日就開刀la，我問醫生幾點做，我係排第一個，應該係9點到，做半身麻醉，下 ~ 半身，我未知道佢地做咩，都幾驚 ~

24-11-09 我比人推入去產房LA，呢一刻我又唔係好驚，我只係想快d攞個bb出嚟，我就可以鬆一口氣。我當時係咁震，我唔係驚喎，係產房好凍，佢地已經比左暖氣比我，但我都唔夠暖。當佢幫我打麻醉針時，我下身開始冇反應，隔左一陣知道佢按我個肚，之後就攞左個bb出嚟，護士幫bb抺左d血之後比我望下bb個樣先，佢未講係仔定女，我一望就講女嚟，因為好女仔樣，冇錯，係女3.01kg，咁輕~麻醉藥過左，我就開始痛，真係好痛，因為子宮開始收縮，比平時 M 痛仲要痛，簡直想死，呢晚真係痛到冇得訓，而且郁一郁都痛，只可以向天訓，訓到成身骨痛。

呢個就係我地既bb女

25-11-09 訓左差唔多廿幾個鐘，個傷口又痛，姑娘要我落地行，落地果一刻，痛到，傷口又痛，對腳又冇力，又眼訓，我坐左一陣，先用力慢慢行。

第二日個樣又唔同左

26-11-09  可以落地慢慢行，但個傷口仍然係痛，但第三日姑娘比番bb我地湊，我地可以試下喂人奶，妹妹都幾叻，一埋身就識食，但可能我未有太多奶，所以佢唔夠飽，一定要補奶。但喂人奶又驚佢唔夠飽嘈到人地，所以喂幾啖人奶，之後再食番奶粉，但諗下諗下喂人奶都幾煩~

第三日

27-11-09  好野 ~ 終於可以出院，我問醫生最快幾點可以出院，醫生話11點半，我就立即叫肥仔同我攪出院手續，我唔要喺醫院。

第四日

第五日

第六日

30-11-09  今日社匡姑娘上嚟屋企，幫我拆線，原來個傷口有成13cm長，仲要中間仲未埋得好，唔怪得仲好痛。仲有妹妹岩岩甩左磁帶lu，等我傷口好番，先搵野入好妹妹既磁帶先。

BB第一份禮物

咁快BB就有佢第一份禮物，果個人仲要平時只係通過電話，見過一次面既華女，佢就係我地出納部主任，呢個大姐都算係咁。出納部經理只係之前問候過我。

呢個牌子我知道唔平

09年生日

今年生日冇得去旅行，因為妹妹未出世，所以我已經決定左去迪士尼，仲要一定要去，唔理肥仔放唔放到假，如果佢放唔到我都係諗住自己去。近日佢要出排，所以有好野都要等到前一日或果日先知得唔得閒。呢d先煩麻，如果係去旅行死得la，所以我諗住下次去唔同佢去，搵人同我去。

肥仔要返工，我又早起身，上左一陣網，之後再訓多個幾鐘，先出門口。因為肥仔話佢有可能十二點或點幾可以走，我都唔理佢得唔得，我訓醒整好野就自己出發，到我搭車時佢又同我講走得，未去青衣城等，之後出發。因為我要搭迪迪尼既地鐵。

去到隻肥仔鬼鬼鼠鼠咁，話有野送比我，原來係一支好老套紅玫瑰，個盒仲要好DIRTY，明知去玩買支花仲咩，算LA，佢都係想我開心JA。可能係萬勝節關係，都幾多人喎，我好多野都冇得玩，未影相，但影得唔多，都冇咩影。肥仔想玩果D，佢就自己入去玩，我就喺門口等佢，都好過冇得玩，買左少少野，連煙花都冇睇，就走左LU，因為要趁冇咩人搭米奇地鐵，未可以影相，因為去時太多人影唔到。

之後我地就去左扒皇之皇食牛扒，都係一般，點解咁貴，食飽飽，返屋企食蛋糕，唔知點解今年突別想食蛋糕，肥仔話你地D大肚婆口味成日變，好難捉膜，你估做大肚婆咁易，你做?

點都好LA，好謝肥仔老公送支老套既紅玫瑰&倍我去左一個冇得玩既迪迪尼。

 

 

 

影大肚相

終於等到影大肚相，因為攝影師亞joe要星期六﹒日先可以抽空影，我又唔係成日都有星期六日放，所以要時間都係一個問題，又點知佢又會唔會早d出世。d時間都幾緊迫。

我地一早就到apm等佢地一齊上影樓，我地行到一間買鴨仔野shop，之前成日都有行過，因為寫字樓就喺上面，我買左個黑色鴨仔袋，諗住到時出街時袋 d BB野，都幾貴$148，因為佢門口有隻大粉紅色鴨仔，我就問下個SALES可唔可以同隻鴨仔影，佢話可以，我第一時間攞部相機出嚟同佢影 ｌａ~

　

呢間就係我地影既影室 la ，都ok ~

呢d係用自己相機影，唔知亞joe幾時先可以比到相我呢，唔知影成點，如果要影一定要著呢d運動衫，先可影清楚咁影到個肚，唔好著 T -恤，起初諗住每人一件小雲，點知亞Joe話睇唔到個肚，影左幾張就冇影，好彩兩件 T 唔係好貴。

09年中秋夜

一收工就飛的入屯門做節，因為想早d食完飯走，之後同梓源去公園玩燈or螢光棒棒。今年買左個叮噹小巴燈籠，但唔記得影相 tim 。

個月亮又大又圓

同豬丈玩掟螢光圈圈

結婚2週年

咁快又一年，我記得我地上年，係去左一個好無聊既地方世界之窗，因為我地一去到，嘩 ~ 咁多人既，先記得十一國慶，d大陸人放幾日假，所以我地都冇入去，走返屋企，係未好無聊呢！

今年我地又係咁，一早起身都唔知去邊，起初諗住去科學園影相，但一望住個天，都有d想暈，因為係超曬，係想去又想唔去之間，我地又入左沙田，行下宜家，嘆下冷氣先 ~

 呢d梳化要屋企夠大先夠放，我家太細la ~

趁冇咩人，自拍下先

之後我地返去沙田市廣場行下，火車站門口一部氣水機，一扭就結冰既可樂，我地就試下，但我地一買，就將支可樂跌左落地下，仲比人踢左一腳 tim ~ 我地開時都幾驚，驚佢噴晒出嚟，我地都攞定紙巾，一扭無野噴出嚟，咁都好d，佢說明叫我地一開飲一啖，之後扭番埋佢，佢就有冰喺裡面，我地等佢一陣得幾粒冰，難道跌左落地下，就會變成咁，oh ~ 就咁嘥左支冰震可樂 tim ~

面表上冇咩特別既冰震可樂 $10一支

我地上左沙田市廣場頂樓，見到有間甜品店 " 滿記甜品 " ，食左甜品先再行la。唔好食紅豆沙加芝麻糊，d味有d怪怪地。

                        馬豆糕                      芝麻糊加豆腐花              紅豆沙加芝麻糊

頂樓出面，有個公園仔，有d千秋"鄧"，如果唔係咁曬，坐喺度搖下搖，都幾舒服。

夜晚果餐緊係出街食 la，食咩好呢？我話我真係好想食魚生，哈哈 ~ 我終於放監 la ，我地去左一間食日本野既自助餐，$138任食任飲，我緊係第一時間寫幾碟魚生，正 ~ 越唔比你食既野，就自然越想食，仲特別好食 tim ~ 但只得一次，我下次食又唔知幾時，因為我要比bb飲人奶，所以又要戒嚴 la ~

                           兩年前結婚當日                                    兩年後既今日

                           一家兩口加隻狗                       一家三口加隻狗(bb仲未出世)

                               長毛既亞b                                              短毛亞b

我地兩週年紀念又無無聊聊咁過左 lu ，下年三週年，又唔知點過呢，又加多左一個電燈炟。仲有冇得過下二人世界呢？

 

梓源既運動服

我地果時都好似冇運動衫

梓源唔似一個三歲小朋友，佢太高大。佢對腳仔瘀晒，因為佢太高la，學校d枱"鄧"太低，唔夠位，所以成日撞埋去，未攪成咁囉，陰公 ~

 

29W6D

今日我又係陸醫生產度產檢，CHECK糖尿，CHECK血壓，磅重，呢D都係例行公事，今次姑娘幫磅話有67.5KG，因為佢每次講完我都有mark低，做返個記錄，我CHECK番上次睇下幾重，我上次55.6KG，話重咁多，重左11.9KG(26磅)，我就同肥仔講"唔係呀~重左咁多"，姑娘聽到我講重左咁多，之後再睇清楚，原來係57.5KG，係重左1.9KG(4磅)，係126.7磅，嘩~就快130磅~

今日見到bb個頭仔喺上面，唔怪知成日都感覺都佢喺我肚下面郁郁下，原來係隻曳曳腳踢我，我而家合埋眼想訓時，咦~好似有人喺床邊撞我張床，我開眼又冇人，當時肥仔喺厠所辦緊公事，我以為我自己錯覺，都幾驚呀，因為今個月你農曆七月麻，之後再合眼訓，又係咁樣喎，我未唔合眼睇下會點，點知原來係個bb郁，唔駛郁得咁大力呀，真係比佢嚇死，唔知以為撞野~大吉利是~

而家佢成日郁，唔知係唔係我喺公司成日坐，阻住佢郁呢，佢郁既次數密，我就會企下行下，但有是真係有野做我都唔理佢點郁，又佢，你估你媽真係唔即做咩~

就快１３０磅既我

仲有差唔多１０ＷＥＥＫＳ，就出嚟ＬＡ～

以上幾張相係唔係好似好專業咁呢，係自己影＆執架，ＯＫ　Ｌａ～

我遲ｄ會搵果時幫我地影婚紗相＆ＷＥＤＤＩＮＧ　ＤＡＹ既亞ＪＯＥ影我大肚相，果Ｄ先係專業，到時再ＰＯＳＴ。

 

26w

今日又係產檢，又知我幾重既時侯，今日係55.6kg，即係122磅。oh shit~

醫生問我有咩問題，又係肥仔發問問題既時間，但第一個問題係我問"點解個肚成日冤冤痛咁既?"醫生話係咁，因為個B開始大，會壓住個子宮，所以會有咁既情況出現。醫生問我個B有冇郁呀，我答得好快，緊係有，仲成日郁TIM，醫生話GOOD~

我而家仲諗緊照唔照4D，睇清楚佢個樣，但要喺28W前照，仲要成$700，都幾貴，仲有2週比我考慮下，因為CINDY照左同出世都唔同，所以都係諗下先~

122磅既我

梓源返學la~

梓源大個仔la~

今日我地倆個帶佢返學，希望佢返學之後會乖d啦~

而家要憑證先可以接放學

我地三姊弟都係讀呢間幼稚園

睇下佢個樣都唔似低b班，成個小一生咁~

 

青衣城的天神村

我地諗住去KITTY LAB，因為要入場費$100，有d貴，加上我又唔係好鍾意kitty d人，都係唔好去LA，但我地去左同小雲影相，佢都要錢，但佢係捐錢就可以入去，都冇話最少捐幾多，我地兩個捐左每人$20入去，地方細細地，都有D野影下。

咁樣睇肥仔好似瘦左咁

 

 

 

 

 

 

24WEEKS

今日足足24weeks，但我由幾日前開始個肚左幾達紅色，之後去睇醫生，搽左佢d藥膏，第二日choipo話如果係濕疹，睇中醫仲好，未走去睇中醫囉，點知仲衰，又痕又痛，d紅色仲要係一大達，攪到成個西瓜咁，會唔會一開始時我唔理佢，會冇咁嚴重，而家搽咩都唔得，真係痕死人la~

我見牛牛就快返學la，帶下佢同樂樂玩下先，幾日前已經要同樂樂預約，樂樂問choipo而家梓源哥哥乖唔乖架，choipo答佢而家梓源哥哥大個仔應該乖。
一入門，牛牛就大嗌 " 樂樂呢? "，好似好friend咁。隔左一陣樂樂到la，牛牛知道樂樂到左，而樂樂又知梓源哥哥喺度，佢地互相叫大家既名，當時既場面都幾攪笑 ~ 但玩左一陣，牛牛d牛脾氣開始顯出嚟，就係唔肯同人地分享玩具，起初佢地都可以一齊玩，都ok架，果隻牛唔知痴左咩線突然間發作，嚇到樂樂即刻彈開，樂樂好醒目 ~ 隔左一陣又事喎，又一齊玩，我叫樂樂同梓源哥哥講下野，佢就問 " 頭先係仲咩呀 ? "牛牛唔明，所以冇理到樂樂，樂樂又再問多一次，仍然冇應佢，樂樂當時個樣都幾無奈 ~ 等遲d牛牛返左學睇下會唔會好d，到時再帶佢同樂樂玩先。

一齊玩~

岩岩發完爛，同噹噹玩。

併埋樂樂度，牛牛幾大個。

 

馬灣游

好熱呀~好似想打風咁，咁岩星期日未帶牛牛去馬灣游下水玩下沙，諗住 family day 一下，點知佢地兩公婆知道我地猜佢個仔去玩，各有各節目，比佢地兩公婆激死~都唔知點樣做人地亞爸亞媽，唔講佢地，越講越嬲~

一去到牛牛見到d沙好開心，仲開心見到d水，但佢竟然唔肯落水，可能豬丈嚇親佢掛，最終都係要我同佢地一齊落水，d水好涼，都算ok la，但要行到好出先冇咁多石頭，我幾驚整損牛牛對豬蹄，反而佢冇損，我就損左少少。

今日亞媽都辛苦，坐喺度睇住我地d野，好彩有樹蔭&有d海風，如果唔係熱死就晒死。但見個孫仔玩得咁開心都值得la~
因為牛牛有d不受控制，冇人可以同我同亞媽影相，激死~

等船時已經唔耐煩，因為岩岩去到走左一班，要等成個鐘先再有船。

一去到就玩沙la，仲埋住自己tim~

 

走時仲唔肯走，要我地厄佢話沙灘要閂門。

睇下佢攰到要豬丈揹住