牛悠之家: 2013

2013年10月9日星期三

悠悠的獎勵計劃

D小朋友太現實啦！要有獎勵先會做到你要求佢做既野 (´･ω･`)，平時我地遇到佢心情唔好就會叫到你忟都未去刷到牙，而家同佢講“刷左牙牙就有得貼貼紙，做齊每一項事都有，貼滿一星期就有獎品”，悠悠就會問？！“獎咩？”，我只可以答佢“係秘密 (﹡ˆ﹀ˆ﹡)”
因為我都未知送咩？到時先算啦！

我貼晒所有貼紙啦！！！

今次獎品係bearbear貼紙一張

2013年10月1日星期二

6年前今日，我地一齊成為合法夫婦，結束差唔多9年既愛情長跑，如果加埋我地已經相處左差唔多15年，都算係老夫老妻 (♡˙︶˙♡)
但近呢兩年要就悠悠返學時間，所以都係提早一日慶祝，人地慶祝國慶，我地就慶祝結婚週年。起初都覺得煩，因為撞正十一黃金週，周圍都會多人到冇人有，所以我地都唔會周圍去，只會訂位去下酒店食自助餐。
但今年訂左間環境一般，食物一段既熊貓酒店，因為咁岩團購有未試下，但計未其他加一，公眾假期又加多d，都唔係平好多ﾌﾟｨ(￣^￣ υ)'' ，無所謂啦！唔試下點知唔好唔好ma!

出發去熊貓酒店食三文魚

雖然話小朋友唔好食咁多生冷野

但悠悠勁like三文魚

無理由唔比佢食架，其實我都like^^

近幾年我地慶祝結婚週年都會影張我地兩公婆錫悠悠面面既相

每年一次做個對比，睇返都幾得意

祝我倆結婚6週年快樂

張相係悠悠影

我幫佢對好位

都影得唔錯，叻女＾＾

臨走時見到呢隻熊貓

悠悠就話要同熊貓影相

隻熊貓都幾可愛既

2013年9月28日星期六

一個超嘈既婚禮

期待左好耐既婚宴
之前已經同新娘子講你把聲咁響上台可以唔駛用咪，佢尋晚真係唔用咪大叫“我願意” …(￣^￣゜)，連個證婚律師都話未見過一個新娘子唔用咪，我諗台下其他賓客應該都感受到佢有幾恨嫁。
呢個新娘子係我第一個教出嚟既師妹，
雖然我地認識時間唔長，但我地大家都會知道大家想點，感情都唔錯，已經唔係一個同事身份，係似我妹妹一樣，所以好似睇住自己妹妹出嫁。。。好開心。。。 ((o(^∇^)o))
而悠悠同翹翹第1次做花仔花女，超緊張。。。悠悠仲行到一半掉頭走
(￣￣)，羞家死。。。，仲諗住有翹翹旁住，點知信錯人，因為連佢自己都驚，可能音樂同環境太大聲啦！所以嚇親對小花仔花女ﾌﾟｨ(￣^￣ υ)''
祝呢對新人百頭到老，永結同心

一對花仔花女

帶蓮姐去進入人生另一階段

但悠悠行左幾步太驚掉頭走><”

趁悠悠走左去玩

兩公婆影張靚相先＾＾

2013年9月25日星期三

讀書既辛苦

而家讀書真係好辛苦，又要做學校功課，又有上課餘堂，又上興趣班，就係想可以派到間好d既學校。
其實都係而家個教育制度影響，而而家個個都生一個或兩個，緊係想比最好既野佢地啦！
好彩我都唔算怪獸家長，悠悠只係學跳芭蕾舞（佢自己話學）及公民英文（係我迫 (//∇//) ），雖然老師都話佢細個（未夠4歲），進度會慢d，但我都見到有效果，久唔久開始彈左d英文生字出嚟，我唔係要求好叻，乖乖地。。。聽教聽話都ok ，都好滿足啦 (๑¯﹀¯๑)

次次做親功課唔係尿尿就便便

今次仲要訓埋教tim

2013年9月24日星期二

迎接超級颳風“天兔”

今年中秋好翳熱（呢個字我係睇新聞時睇字幕學 (//∇// ），因為有個超級颱風“天兔”跳緊過嚟陪我地一齊賞月。
趁未橫風橫雨，搭下船感受下先，我地喺成30幾度大熱天時下入長洲，口就話老豆未去過帶佢行下，心就係掛住大大粒彈彈口既魚旦。

悶熱既長洲

夢寐以求既藍天白雲，但都係抵擋唔住太陽伯伯既陽光，曬死人啦！

終於又食到至愛長洲大大粒魚旦

仲要係勁辣＾＾

回程時去左海港城睇軍艦

“天兔”來臨前既月亮

終於搬晒lu !!!!

岩岩諗住打返blog，點知yahoo blog就要執笠，由下載備份至到輕鬆搬家，用左差唔多成個月，搬家時間太長la，最後朋友得知有好多yahoo blog搬到呢度，咁我又搬啦！因為搵唔返個blog好似yahoo blog咁簡單，其他寫blog既地方都好似好複雜咁，但搬左嚟呢度冇晒d相，點解架
(,,> <,,) ，有冇人可以解答我呢個問題？？？？？