返回悠悠2個月時

過去呢個月我超懶去寫blog，因為我一整好d野就上facebook收成，之後就快快趣趣訓教，唔知個女幾時起身飲奶奶，所以我要爭取時間訓教。

呢個月悠悠好陰公，屙左大半個月la，一時又話佢感冒菌入腸，一時又腸胃炎，食藥多過食奶(太過誇張)，成日都要同佢換屎片，都幾忙，有時見到佢咁樣，我就好自然流眼淚，寧願唔舒服果個係我，悠悠你快d好番la~

呢個月悠悠有好多佢既第一次，有第一次食病病，第一次食藥藥，第一次坐叮叮，第一次過對面海，第一次逗利是，第一次行花市，第一次見外太公外太婆，第一次坐火車，第一次坐雄叔叔車車，第一次去細姨媽新屋，仲有好多第一次我都唔記得la~

第一次一家三口去街街

第一次第一封就係爺爺嫲嫲利是

第一次爸爸媽咪比悠悠利是

第一封公公婆婆利是

第一幅全家福

之後仲有好多第一次，有機會我一定會影相留番比悠悠大個時睇~

 

牛牛4歲生日

咁快牛牛已經4歲，D性格一樣咁牛，但講野方便比以前好好多，所以有D野真係唔可以慳，為左自己個仔女著想，寧願自己唔食都要供養佢LA，但人地老豆老母仲未識為個仔諗，算LA~講起又火滾~

今年我地買左THOMAS既蛋糕﹒THOMAS既益智CARD﹒THOMAS既床單&積木，而人地老豆又買左一盒大大盒既THOMAS。

人地老豆買，之前已經有一盒，再加埋呢盒，要幾多地方先夠佢玩。

走左啫喱既THOMAS黑森林

佢係掛住D玩具多過個蛋糕

1.2.3吹

 

沖涼照

我終於做左手腳摭住d重要部位，人地爸爸話要摭住三點喎~

婆婆幫我洗頭頭

唔驚，我用隻腳夾住婆婆先。

小豬碲~

全相

舒服晒~

打兩個月針

悠悠今日打兩支針，一支4合1 (白喉﹒破傷風﹒無細胞型百日咳及滅活小兒麻痺混合疫苗)&肺炎球菌，所以兩隻大脾仔都要比人吉。但小悠悠可能太過眼訓，打第一支嗢左一陣訓左，打第二支又係咁，難道尋晚做賊嚟?姑娘話呢兩支針會有可能會發燒，所以我加倍留意下睇下佢有發燒。

兩隻小脾仔都有棉花，就係兩個針O。

仲有人嚟睇悠悠

                       嘉寶姨姨                             姨婆                                亞姨

 

似唔似一家四口呢，傑姨丈﹒細姨&樂樂哥哥

BELL姨姨

                嘉慧姨姨 + 未夠一個既悠悠                   呢張已經差一日就兩個月

咁樣對比番嘉慧好似瘦左喎~

呢D靚衫係細姨﹒BELL姨姨﹒寶明叔叔送，好野過年有新衫著。

 

0-1個月小悠悠成長相片

就快放完產假，真係唔係好想返工，近呢兩合個月，因時常都番喺屋企，可以隨時隨地攞部相機出嚟幫悠悠影相，到時睇返就知道悠悠大個左幾多，因為呢幾個月變化最大，而家悠悠大概已經有300幾張相，到時我要返工就冇咁多時間幫悠悠影相lu ~

悠悠當時仲喺醫院，我忍住痛起身用手機影。

睇下佢當時幾咁奀豬豬~

出左院冇幾耐，佢仲想學人揸奶樽tim

塊面豬開始多番d肉 la，不枉夜"媽媽"起身餵奶。

個幾月人仔，表情多多，真你係想咬佢一啖~

 

咁快就兩個月

好耐都冇寫blog，呢兩個月好似好忙咁，因為都有好多親戚朋友上嚟探bb。我喺坐月期間睇左幾套台劇，好彩而家悠悠都係食飽就訓，訓飽就食，都幾free，又有糧出，都幾好~

睇下有幾多朋友睇我地個b女，有d冇影相，下次影番先~

因為冇人同我地揸機，所以冇咩一家三口。

媽咪錫錫

爸爸錫錫