牛牛三歲生日

咁快牛牛又大一歲，佢今年生日喺年初四，我同肥仔已經早成個禮拜訂左個獸獸雪糕蛋糕，好得意~但生日禮物好難揀，都唔知買咩，基本既野都有，想買d益智d，又驚佢媽唔識教，我地又唔得閒，因為牛屎買左套THOMAS，咁我又買多兩架火車，都唔平架，成舊水一架。
點知個衰人訓左，等我呢個姑婆整醒佢la，初時都唔肯起身，我話同亞B去公園玩單車唔同佢去，而且佢又見我買畀佢果兩架新火車，佢即刻" 丁 "左一聲，醒晒 ~ 但佢個樣都係冇咩表情，可能我嘈醒佢掛，又或者只係見d火車自己係到轉，有d無聊掛。但當我地攞個獸獸蛋糕出嚟，好開心 ~ 大嗌一句 " 獸獸呀~ 咬呀﹗ "，就知佢鍾意，仲好鍾意，可能係雪糕既關係。點都好la ，見佢鍾意我就開心 ~

過年前已經買定對鞋畀牛牛畀佢過年著

呢條路軌係佢老豆放畀佢

獸獸蛋糕

                              恭喜發財                                                       好味~

隻獸獸已經﹒﹒﹒

牛年前夕

因為過年前病左，等我而家追返之前D野先~因為我而家喺公司所以未有相睇，等我返屋企再UPLOAD D相~

今年我第二年派利是！
今年我又係買米奇揮春&利是封(少量面額大)，都有買其他利是封，一個好似禮封咁，一個好係招財貓(好得意)，我每一次派招財貓果款，D人都會讚好得意。我又買左一盆紙桃花，都好靚 ~ 但會唔會代表係假桃花假人緣，唔理靚未得。

紙桃花

 

 

濕地公園01/09

放孖day，去邊度呢？去下濕地公園順便試下部相機先。

好驚呀 ~ 咬呀﹗

肥仔喺到扮型

睇下~亞田後面個背影，係未似曾相識咁呢？

我地影相技術ok嗎？我地都係亂嚟~

好靚既花花草草

我地一齊去探貝貝

 

亞B大頭相

我又得閒攞部相機出嚟影下影下~

報告出左lu~

我地既報告出左lu，一切正常，都唔駛再驗地中海貧血，因為我地d血色素數字好靚，肥仔d肥肥仔可能太肥游唔郁，喺份報告中比正常數字低左少少，我個反應 " 下 "，之後個醫生話可能工作太累或其他因數所引起，所以有可能唔準，但都唔係太差，放心可以有BB。因為去化驗所果日，肥仔岩岩收工趕返嚟，而且果幾日都開夜拖船，可能有d影響掛，醫生話如果驚的話可以再驗多次肫肥仔，會準d，鬼唔知，又要錢，如果你地要驗時，狀態唔好咁攰，先好去驗，但我都冇諗住同佢驗多次，其他冇事就ok~

公司聚餐

我今年喺間新公司食年尾聚餐，之前簽名時D同事都好似唔你好想去咁，好la，經理下令要全體員工去，果晚個個都有去，但臨開席時諗住同d同事影下相，佢地個個都唔鍾意影，如果比我同陳惠狂影la，呢間公司d人好有問題，好難先可以融合一齊，好多都係各自各或分開好多過小圈子，我做咁多間公司，呢間公司好難好歸屬感。

我地喺聯邦度食，我偷左人地既白頭到老可口可樂，出面冇架 ~

我地做足準備

我發現我身邊d朋友都係結婚後先做呢個婚前檢查，可能準備要 B B前做個準備，等到時有左時都可以安心d。

今日我地終於去左驗尿&抽血

你估到時BB似我定似肥仔，可能我地兩個都唔似，似亞B ~

呢件衫喺九份買，都有買比蔡寶，但佢未影相比我睇。

海洋公園family day

星期日咁岩我地個個都休息，我就提議去海洋公園，亞媽咁耐都未去過，對上一次都係我地好細個時去，而家我大個女la，等我帶番亞媽去玩先。

個天幾藍

睇下牛牛企喺巴士前面幾開心

樂樂盈盈

佳佳安安

 

估唔到新年都就到，仲有聖誕feel。

 

 

葉酸

Materna

惠氏Materna 專為懷孕前、懷孕期及產後婦女而設的多種維他命及礦物質補充劑。含 23種維他命及礦物質，每日一粒 ，為孕婦及胎兒的健康提供全面的保障。

懷孕早期是胎兒神經管道和主要內臟器官發育關鍵時期，需要攝取各種維他命及礦物質。 惠氏Materna提供充足葉酸，有助胎兒神經管道健康發育； 含豐富鐵質，有助增強造血功能；提供足夠的鋅，有助胎兒成長，幫助減低胎兒畸形、早產及流產的機會；添加有胡蘿蔔素，有助增強身體抵抗力；補充鈣質，有助胎兒骨骼成長。

預早補充營養，全為BB好開始

都幾大粒，而且之後去果次尿尿好黃。

我&蔡寶而家都一齊食緊，睇下計唔計劃得到一齊擺彌月先~

 

大消費

呢兩日唔知點解有好大購買慾，近兩日我用左約$2600買衫，痴左~

 去左levis買左成$1900野，因為我要續會要買夠$1500，要下要下就要左咁多。

呢件好抵，levis買約$400

普通時裝店買，total約$700

要停LA . . . . . .